کشمیر سپریم لیگ (کے ایس ایل) کے پہلے ایڈیشن کی نئی تاریخوں کا اعلان کر دیا گیا ہے۔
ذرائع کے مطابق یہ ایڈیشن رواں سال 20 مئی سے 10 جون تک منعقد ہوگا۔ پاکستان کرکٹ بورڈ (پی سی بی) نے پہلے نومبر اور فروری کے لیے ونڈو دی تھی، تاہم چیمپیئنز ٹرافی اور قومی و ڈومیسٹک شیڈول کے باعث فروری میں لیگ کا انعقاد ممکن نہ ہو سکا۔
پی سی بی نے سینٹرل کنٹریکٹ یافتہ کھلاڑیوں کو بھی لیگ میں شرکت کی اجازت دے دی ہے، جبکہ ڈرافٹ میں غیر ملکی کھلاڑیوں کو بھی شامل کیا جائے گا۔ کشمیر سپریم لیگ کا پہلا ایڈیشن مظفر آباد اور فیصل آباد میں کھیلا جائے گا۔
