وزیراعظم شہباز شریف نے آزاد کشمیر کے علاقے بھمبر میں دانش اسکول سسٹم کا سنگ بنیاد رکھ دیا۔
تقریب سے خطاب کرتے ہوئے انہوں نے کہا کہ یہ اسکول سسٹم پسماندہ اور مستحق بچوں کے خوابوں کو حقیقت میں بدلنے میں اہم کردار ادا کرے گا۔ شہباز شریف نے مزید بتایا کہ لڑکے اور لڑکیوں کے لیے الگ الگ کیمپس بنائے جائیں گے، اور اسکول کی تعمیر ایک سال کی ریکارڈ مدت میں مکمل کی جائے گی۔
وزیراعظم نے یہ بھی اعلان کیا کہ آزاد کشمیر کے دو مزید اضلاع میں جلد دانش اسکول سسٹم کا آغاز کیا جائے گا۔
