پاکستانی نژاد برطانوی باکسر عامر خان نے پاکستانی نژاد برطانوی باکسر آدم عظیم کی جیت پر کہا ہے کہ مجھے آدم پر فخر ہے
باکسر عامر خان نے کہا کہ پاکستان کیلئے بڑا دن ہے، آدم عظیم دوسرا پاکستانی ہے جو باکسنگ میں ورلڈ چیمپئن بنامیں آدم عظیم کو لےکر پاکستان آئوں گا۔
باکسر آدم عظیم کی والدہ نے میڈیا سے گفتگو کرتے ہوئے کہا کہ سب کو مبارکباد دیتی ہوں اور تہہ دل سے سب کا شکریہ ادا کرتی ہوں، ماشا اللہ میرا بیٹا بہت اچھا کھیلا ہے۔
انہوں نے کہا کہ سب اسی طرح آئیں اور سپورٹ کریں، پاکستانی ہمیشہ آدم کو دعاؤں میں یاد رکھیں ان کی دعاؤں کا ہی نتیجہ ہے، آدم نے چھوٹی عمر میں پاکستانیوں اور کشمیریوں کا نام روشن کیا ہے۔
آدم عظیم کے والد محمد عظیم نے کہا کہ ہمارے خاندان، پاکستان اور برطانیہ سب کیلئے فخر کا موقع ہے، آدم مستقبل میں مزید مقابلے جیت کر لائے گا۔
