لاہور: وزیراعلیٰ پنجاب مریم نواز نے آزادکشمیر سمیت دوسرے صوبوں کے طلباء کیلئے بھی ہونہار اسکالر شپ سکیم کی منظوری دیدی۔
وزیراعلیٰ پنجاب مریم نواز کا کہنا تھا کہ پنجاب میں طلباء کیلئے لیپ ٹاپ کی تعداد بڑھا کر ایک لاکھ 10 ہزارکر دی جبکہ لیپ ٹاپ اور ہونہار اسکالر شپ دیگر صوبوں کے طلباء کا بھی حق ہے۔
مریم نواز کا کہناتھا کہ آزادکشمیر، گلگت بلتستان، بلوچستان اور خیبرپختونخوا سمیت دیگر صوبوں کے طلباء بھی ہمارے ہی بچے ہیں، ہونہار اسکالر شپ کیلئے جو پنجاب کا معیار ہے وہی دیگر صوبوں کے طلباء کیلئے مقرر کیا جائے گا۔
وزیراعلیٰ پنجاب مریم نواز کا کہنا تھا کہ میرٹ پر آنے والا ہر بچہ اچھے کالج میں داخلہ لے فیس ہم دیں گے، ہم ہر بچے کی قسمت بدلنا چاہتے ہیں۔
